粟米紅蘿蔔牛秋魚湯(附食譜)

唔知大家近來有無睇肥媽的節目, 我自己就好喜歡. 佢可以整到每一道菜式都可以好簡單就做到...真係唔喜歡煮飯都會想試下係唔係真係咁易呀..
有一集佢介紹既牛秋煮湯..我真係好似未飲過...所以上星期就決定去街市買來試下煲湯...2條中細SIZE都係$20真係非常抵呀...我今次無加肉只係用左紅蘿蔔同粟米各一條...已經煲鮮甜既魚湯真係好好飲...估唔到牛秋魚湯真係好好味..大家都試下..我覺得佢俾起其他魚仔既煲出來既湯更加鮮甜


材料:
牛秋魚 2條
粟米 1條
紅蘿蔔 1條
薑 3片
水 5碗

1)將牛秋洗淨, 鑊加入少許油加入薑片煎香魚再加入1碗凍水煮10分鐘
2)再將所有材料加入用中小火煮1小時即可