金銀菜豬肺湯(附食譜)

天氣變化好都好大呀...一時又凍又落雨一時又有太陽又熱...其實我地係家中都覺得冰凍啦..大家想下D露宿者, 老人家一定好凍啦...加上年近新年真係見多左D老人家出來賣D執番來既野換取少少既金錢用來過年, 所以如果大家係街頭都見到D老人家..大家都可以幫襯佢地買下野或者你唔想要果D野都好就放低少少錢俾佢地過年..

講番一日同大家分享既豬肺湯, 這個湯真係一D都唔難宜家肉檔又會清洗好晒個豬肺..唯一最麻煩就係出水啦..不過都係20分鐘之內攪得到..但煲出來啖湯真係好清甜潤肺架..特別咁既天氣喉嚨就最易痕痕乾乾..飲啖豬肺湯真係有清潤作用..

其實煲完D豬肺沾上少少豉油麻油食都好正架..千奇唔好掉左咁浪費.

材料:

豬肺 1個

菜乾 1份

白菜 半斤

蜜棗 2粒

1)豬肺請肉檔清洗好回家切件用白鑊炒, 中間會不停出水就要盛起水至豬肺不再出水以及豬肺縮小帶點微黃即可

2)將豬肺, 菜乾及蜜棗放入煲加入水至蓋過材料煲2小時

3)再加入白菜再煲1小時調味即可.