鮮土伏苓粉葛湯(附食譜)

皮膚濕疹好番幾日又再發作皮膚痕癢抓到損晒連帶心情都麻麻呀..不如煲下D皮膚痕癢有幫助既湯水俾自己飲下, 新鮮土伏苓味甘, 有清熱解毒, 除濕作用再加埋粉葛有下火功效.
上次唔信邪點解一舊粉葛要人去皮切埋就要$14/斤, 我自己係一檔買既都係$7/斤就自己回家去皮, 但切出來真係無咁靚架. 今次我都死死地氣去番D幫人去皮既菜檔幫襯, 順便買新鮮土伏苓不過煲出來啖湯帶點甘真係好好飲, 煲湯料真係唔慳得反正煲出來既粉葛家人都會食既..更係要買好D啦.
另外菜檔亞姐提供資料: 鮮土伏苓需要出一出水咁樣煲出來D湯先唔會苦

材料:
粉葛 1斤
鮮土伏苓 1斤
豬展 1件
陳皮 1塊
赤小豆, 扁豆各 1両

1)鮮土伏苓出水, 豬展出水
2)煲中加入所有材料加水剛蓋食材煲滾轉小火煲2小時.