茶燻雞(附食譜)

上次話買左隻雞, 一半就用來整沙薑雞啦...另一半就整個茶燻雞....

大家有燻前要開行個抽油煙機同窗, 咁樣會減低少少少少少間屋既煙燻味既..HAHAH

一開蓋就聞到好香燻既味道..如果喜歡這個菜式既.真係要係家中試下..

大前題係唔介意間屋會有味啦..

這個菜式都唔難, 只係多左個燻既步驟...另外記得加入米/飯係D燻料到.因為米/飯會吸左燻時既苦味, 先唔會令到隻雞皮有苦.


材料:
雞 半隻
鹽 1湯匙
酒 1湯匙
老抽 1湯匙

燻料:
麵粉, 米, 茶葉, 糖 適量

1)將雞先用鹽及酒醃4小時/過夜
2)水滾蒸15分鐘焗10分鐘取出抹乾再加老抽放係室溫風乾約2小時
3)白鑊加上鍚紙將燻料放上再放蒸架, 放雞以中大火煮8分鐘關火焗5分鐘即可.

留言

熱門文章