椰菜卷(附食譜)

這個菜式令到我都好難忘, 記得以前留學讀書時成日出街食飯食到我都好悶, 有一日就買D菜呀肉回家試下自己煮下飯啦...以前又點會可以咁易上網搵到食譜呀..咁又第一次煮野咁就自己想出這個菜出來..仲要好開心咁整到出來都好正咁...
咁辛辛苦苦煮完之後, 就好開心咁想洗完D野先食飯啦...點知咁就出事...........
洗洗下碗時將D清潔精水整左落碟椰菜卷到...最後更係食唔到..仲要死死氣落街去買快餐食...
之後我無再煮這個菜啦..


上二星期我又係度想起這件事, 就決定要再煮這個菜..不過今時今日自己煮野多左都會有少少改變, 今次再用高湯燴個椰菜卷令到個湯又飲得椰菜卷又吸到高湯既味...連家人都讚賞.



椰菜 8片
豬肉碎 4両
冬菇粒 適量
雲耳絲 適量
調味:
生抽 1湯匙
糖 1茶匙
生粉 2茶匙
麻油 少許

1)除左椰菜之外所有材料攪拌好
2)椰菜整片灼30秒左右至軟身放涼
3)將材料1放上椰菜卷好蒸10分鐘
4)再加入高湯燴10分鐘即可.

留言

熱門文章