韓國首爾之旅~ DAY 6 PART 1~南怡島

22/9/2017

快樂的時光過得特別快, 不知不覺都已經到旅程的尾聲...今日準備出發到南怡島行下....我地係民宿食左前一日買定既早餐之後, 就執埋行李出發啦...
早上見到女主人,佢非常熱情地要堅持送我地出門仲要等我地開車走左佢先捨得走..攪到我地都唔好意思留係佢間咁靚既民宿門口影相..

係民宿去停車場唔洗10分鐘車程..這個停車場4000won.
入南怡島有2個選擇, 一係就係坐船入島; 二係就係高空滑索(zip wire).
貪玩既我地更係選擇後者...每人要38000won去程坐高空滑索及回程坐船.
坐高空滑索就係這個高塔度, 係坐船入既地方必經過見到.

 
 

 






首先我地就坐電梯上80米高台聽職員講解下安全守則(唔洗2分鐘), 跟住就一對一對咁等叫上座...講真初時都幾鬼嚇, 但第一秒係滑索滑出去果一刻就一D都唔怕...因為好穩定加上天氣好真係好舒服,..最可惜這個活動只係1分鐘左右就完成..係另一邊島會set好晒相機幫大家影相...不過我地都唔知邊個位影, 大家都木口木面, 所以無買到.
但我都非常推介咁樣入島...真係超正.

今日天氣好好帶點涼風, 所以入來行下真係好舒服...不過2條友都係無咩目的咁亂行一通....仲有好大遍地種稻米同菜園...真係好特別.

 

唔好見到這個橋好似好正咁, 其實好鬼多蚊滋一路行一路要用手驅趕...
見差不多12點...這個島上都有好多餐廳亦有類似小食亭既地方...我地2條友只係入面買左個海鮮煎餅食就算...味道只屬一般...

跟住我地都無咩目的亂行...最後決定早D離開回仁川, 怕唔知會唔會塞車...點知坐船出到碼頭時..俾我捉到條金鯉魚...今日真係幸運日...可惜友人同一個位都係捉到條普通鯉魚.