行山樂 ~ 布力徑-聶高信山-金馬倫山-灣仔峽

近幾年真係喜歡左行山. 好多時出外旅行都會安排2,3天係去行山..
當然係香港都有好多行山路徑, 今次同友人就由黃泥涌起點行2個山, 灣仔就係我地既終點.

近幾日天氣都叫轉涼行山都變得輕鬆得多啦..我地行左約3-4小時左右,中間都唔需要點樣休息呀...唔算辛苦又幾好玩, 仲要欣賞到不少豪宅!!!

係布力徑行大約20分鐘左右就到達

 
就係這個有BL無記錯係65既記號就行上山啦...其實係個入口處就已經見到有絲帶, 今日好勁太陽曬到正一正, 爬到山中間已經見到對面海洋公園

 

 行左大約30分鐘就見到面具石. 想去面具石就要行另一邊爬上去, 舊石都幾大下..好彩好心人整左條繩.


 
再行多一陣就已經到達山頂部份.就算今日星期六又係假期, 這段路都無咩人行, 我地當日都係遇見一隊3人既行山友..所以大家有興趣行都建議同同伴一起行較為安全.不過山到山頂雖然好荒蕪, 但就勁多蝴蝶真係好靚既地方.








跟住我地又再落山啦..這段路超舒服, 好多樹遮住太陽, 所以天氣變得好清涼又唔曬, 只是不斷行樓梯落山就可以. 最後係BL47記號又行回布力徑.



再向灣仔峽住前行多5分鐘左右就係有個休息亭 , 這裡如果大家覺得爬完一個山已經夠皮就可以沿灣仔峽的路牌行(大約30分鐘), 如果唔係又可以行去香港仔水塘(約1.5小時), 但我地就係貪玩要上埋金馬倫山啦都係花多1小時左右. 上山口就香港仔水塘果度既樓梯位往上行
 

行樓梯到上面就見到絲帶啦...跟住個唯一入口入草叢就往上行啦..

 

目的地就係這個柱就係頂位...

 

之後我地要再下山...這段路係跟好多水管行...中間仲有一段水澗行..所以都特別小心..
個終點係中峽道..又係一間間豪宅區...後來出到去金馬麟山道再轉灣仔峽道行番落灣仔...全程花左3小時左右.




 



留言

熱門文章