羊肚菌香檸焗雞(附食譜)

不知不覺就來踏入12月啦...又係慶祝聖誕節佳節既時間.

唔知大家會唔會選擇係家中整聖誕大餐同家人朋友分享...

相信一次整咁多個菜式一定好忙, 所以有幾款菜式最好就係用焗既方法, 咁樣就慳番唔少時間..

今次想同大家分享下用鑄鐵煲焗雞真係唔錯, 焗出來唔會乾身好多汁...

放D蔬菜係底部, 仲要吸晒雞既精華...值得係大時大節係家中整來同家人分享真係唔錯選擇!

材料
雞 1隻(約1KG)
羊肚菌 適量 (可省)
牛油 10-20G
檸檬 1個
迷迭香 數枝
任何蔬菜


1)牛油軟化加入羊肚菌碎, 鹽及黑椒攪勻,
2)雞抹乾肚內加入鹽及黑椒, 皮與肉中間加入牛油
3)檸檬切半, 一半檸檬汁加入雞內外, 一半檸檬汁加入蔬菜中
4)再將整個檸檬及數枝迷迭香放入雞肚醃1-2小時
5)鑄鐵鍋放下蔬菜, 雞背向上放加蓋以180度焗40分鐘, 再開蓋焗10分鐘即可